Reiði veldur sjúkdómum sé hún ekki losuð út

  Reiði veldur sjúkdómum sé hún ekki losuð út Hún Sirrý heldur úti fróðlegum útvarpsþætti á sunnudagsmorgnum á Rás 2 og fyrir nokkru var mikið talað um reiðina. Ekki vil ég leggja mikið mat á þær umræður sem þar fóru fram. Þær voru um margt fróðlegar en mér fannst ekki koma fram nægilega vel hversu mikilvægt er að losna sem fyrst við reiðina og eins hvernig hægt er að bera sig að við slíkt. Frá mínum bæjardyrum séð þá skapast reiði innra með okkur, þegar við erum beitt misrétti, einelti, ofbeldi, kúgun andlegri sem líkamlegri. Við þetta safnast upp neikvæð orka, sem sest að í líkamanum (hjartanu, bakinu, öxlunum, hálsinum, höfðinu og á fleiri stöðum). Reiðin er sem sagt neikvæð orka sem safnast í orkubrautir líkamans og truflar orkuflæðið.  Þessa orku þarf að losa um áður en hún fer að valda skaða og jafnvel sjúkdómum, t.d  bólgum, stíflum, þreytu, þunglyndi, einbeitingarskorti, depurð, áhugaleysi um sjálfan sig og umhverfi sitt. Margir einstaklingar sem glíma við þetta vandamál gera sér enga grein fyrir hvað er að valda vanlíðan sinni en hún veldur því að fólk sækir í pillur, áfengi eða aðra vímugjafa til að láta sér líða betur en þá byrjar fyrst vítahringur. Margir vísindamenn álykta að áfallastreita sé frumorsakavaldur að mörgum sjúkdómum og er reiðin þar á meðal. Í mínu starfi, sem EFT meðferðaraðili en EFT er áfallahjálp sem byggir á samtalstækni og banki á nálastungupúnta, hef ég kynnst þessu mjög og sé þar best hversu mikill léttirinn verður þegar ég hef hjálpað fólki að losna við reiði, sorg, samviskubit og allskyns neikvæðar tilfinningar sem hafa þjakað það, oft svo árum skiptir. Aðferðin sem ég nota er afar þægileg og fljótvirk, en hægt er að kynna sér hana nánar á heimasíðu minni: sigurdurjoneinarsson.com